Illumik pisineq tunisinerlu

Illumik pisinialerpit imaluunniit tuninilerpit? Illumik tuniniaasartoq oqarpa advokatinik piginnittuunermut uppernarsaaliornissamut atorfissaqartittutit? Uagut ikiorsinnaavaatsit. Advokatfirmaet Meinel ukiorpassuarni illumik pisinermik tunisinermillu misilittagaqarpoq, illumik tuniniaasartukkut ingerlatinneqarpat taamaattoqanngippalluunniit.

Illit pisisutut pisinissamik isumaqatigiissut tigugukku maannakkullu aalajangissallugu illu pisiniarusullutit, advokatit isumaqatigiinnissut misissoqqaarnissaq pitsaanerpaassaaq. Immikkoortut ilinnut qanoq isumaqassanersoq nassuiarsinnaavai, inatsisitigullu siunnersorsinnaavaatit.

Pisinissamik isumaqatigiissut atsiorneqareerpat piginnittuunermut uppernarsaat suliarineqartariaqarpoq, taannalu Eqqartuussivimmi nalunaarsorneqassaaq. Pisinerit ilaanni pisortamut taarsigassarsiat imaluuniit nunaminertamik atugassiineq ilinnit tiguneqassapput. Advokatit pappiaraatit suliarissavai, atsiorsimaneralu qulakkiissavaa. kingornatigut banki, illumik tuniniaasartoq, tunisisorlu atassuteqarnerat aamma piginnittuunermut uppernarsaat sullissinera isumagissavai. Piginnittuunermut uppernarsaat inaarutaasumik nalunaarsorneqareerpat suliaq naammassissavaa, taavalu illit piginnittuunermut uppernarsaat originaalia tigusinnaavat.