CSR

Advokatfirmaet Meinel ulluinnarni peqqinnerulernissamik aamma inuiaqatigiinni ataatsimoornerulernissamik pilersitsiniarnerit tapersersorniarlugit pingaartingaarpaa. Taamaattumik uku tapersersoreerparput:

  • Arctic Winter Games 2016
    AWG avannaanni timersornerat, kultuuri ataatsimuussuserlu naleqartippai. Ukioq allortalugu AWG-qartarpoq 2016-imilu Nuuk qaaqqusisuuvoq. Timersoriaatsini assigiinngitsuni unammineqarpoq ingammilli Arctic Sports-imi Dene Games-imilu unammineqarami AWG immikkut ittuuvoq, taakkuami nunani issumiinngitsuni unammineqarneq qaqutigoorami.
    Suleqatigiilluarneq tulluartumillu periaaseqarneq pingaartinneqarput, ukiullu tamaasa tammajuitsussarsiaq immikkut ittoq (Hodgson Trophy) peqataasunut suleqatigiilluarnerusimasunut tunniunneqartarpoq.
    Arctic Winter Games 2016 pillugu uani paasisaqarneruvoq: http://awg2016.org/kl
  • Maaji Nuan!
    Maaji Nuan! nuannaarnermik, sammisaqatigiinnerulernissaq, ataatsimoornerulernissaq aamma peqqinnerulernissaq anguniarlugit qaammammi maajimi assigiinngitsunik akeqanngitsumillu sammisaqartitsisarpoq. Nuummi aallatinneqarpoq, kingusinnerusukkulli aamma illoqarfinnut allanut annguppoq. Illoqarfinni assigiinngitsuni ataatsimiititaliaqarpoq kajumissutsiminik peqataasunik, taakkualu sammisaqartitsillutik sammisaqarnerillu allat katersorpai. Nuummi B-67 v/Finn Meinel aaqqissuisuupput. 2015-imi Maaji Nuan! inuiaqatigiinni sanngiitsut, tassa angerlarsimaffeqanngitsut, innarluuteqartut, utoqqaallu ikiorniarlugit arlalinnik sammisaqartitsivoq.
    Maaji Nuan! pillugu facebookimi paasisaqarneruvoq: Maaji Nuan! Nuuk
  • Peqatigiiffik Kalaallit Meerartaat
    Nuummi suleqatigiissitat ukiuni arlaqartuni peqataaffigalugit inooqatigiinnermilu iluaqutaasunik suliniutinut nammineq piumassutsimik suleqataavugut.
    Peqatigiiffik Kalaallit Meerartaat uani paasisaqarneruvoq: www.fgb.dk
  • Nuuk Internationale Friskole (NIF)
    NIF suleqatigiinneq aamma atuartut ilinniartitsisullu tamarmik pingaaruteqarnerat pingaartippaa. Atuartut immikkut taperserneqarnissat, ilinniartinneqarnissat aamma siunertarivai. NIF-p pilersinneranut peqataavugut, pilersikkiartuaarneranilu siulersuisuni suleqataalluta.
    Alakkaruk www.nif.gl.